थोडसं बोलू का?

जे सिगारेट ओढतात त्यांनी कालचा एक दिवस तरी सिगारेट ओढली नसेल, हे आपण सांगू शकत नाही. तसं आपण सध्या काहीच सांगू शकत नाही आणि सिगारेट किंवा कुठलेही व्यसन करणाऱ्या व्यक्तींना तर नाहीच नाही. मीही तसं सांगितलं नाही आज पर्यंत. पण ज्यांच्या बरोबर बोलावसं वाटतं, त्यांना मात्र मी एकदा बोलतो मित्रत्वाच्या नात्याने. तसेच आजही मी तुमच्याशी बोलतोय. हा सल्ला नाही किंवा उपदेश नाही. मुळात या स्वार्थी जगात एक स्वार्थी विचार केला , तर सिगारेट ओढणे न ओढणे यामुळे काहीच फरक पडत नाही ( जो पर्यंत स्वतः च्या खिशातील पैसे दयावे लागत नाहीत).  पण त्याचा समोरच्या ओढणाऱ्यालालाही काय फायदा होतोय असे दिसत नाही. उलट त्यांच्या मधील राग, अस्थिरता वाढलेलीच दिसते. काहींना वाटतं, ते त्यांचं मूड ठीक करणारं, ताण कमी करणारं औषध आहे. तर मग इलाज झाल्यावर ते सोडून दयायला हवं ना. पण हे औषध मात्र रोग , आजार आणखीनच वाढवत नेतं, हे त्या औषधाच्या गुंगीत लोकांना समजतच नाही. आणि मग ते व्हेंटिलेटर बनून जातं. मग मित्रांनो तुम्हाला हे असं व्हेंटिलेटरवर जगायचय का? काहीजण असंही तत्वज्ञान मांडतात, मरण कसं ही येतच! त्यात सिगारेट ओ...